徐英偉 | 全台藥局網

2008年6月至2012年6月期間同2012年9月至2017年6月期間出任民政事務局局長政治助理。2017年8月起出任勞工及福利局副局長。2020年4月22號畀國務院根據 ...

徐英偉，JP[1]（英文：Caspar Tsui Ying-wai，1977年—）係香港政府民政事務局前任局長，曾經係香港史上咁多年嚟最後生嘅局長級官員之一，兼任候選人資格審查委員會官守成員。佢祖籍廣東省惠州市博羅縣。

徐英偉獲得加拿大渥太華大學社會科學學士同曼徹斯特大學工商管理碩士。佢喺2006年加入民建聯。

徐英偉喺加入政府之前曾經任職銀行界，曾經服務過加拿大滙豐銀行、滿地可銀行、美林證券同美國運通銀行，亦做過香港恒生銀行投資服務經理。2008年6月至2012年6月期間同2012年9月至2017年6月期間出任民政事務局局長政治助理。2017年8月起出任勞工及福利局副局長。

2020年4月22號畀國務院根據行政長官林鄭月娥嘅提名同建議任命為民政事務局局長[2][3]，接替被免職嘅原局長劉江華。任内首件政治任務，係唔再跟隨傳統委任現任區議員入分區委員會，而起用過百名區選中落敗嘅建制派人士。

2022年1月3號，徐英偉參加洪為民生日聯歡會，留足成晚，又冇用安心出行，又有食嘢，食嘢以外時間都冇戴返口罩。該聯歡會後來有人確診武漢肺炎，徐英偉被列為密切接觸者，要隔離檢疫21日。行政長官林鄭月娥點名批評對喺抗疫期間出席該大型聯歡會嘅徐英偉「尤其失望」。原定24號完成檢疫、25號可以復職嘅徐英偉，畀行政長官勒令繼續休假，冇如期復職。25號，《南華早報》報道行政長官林鄭月娥啟動咗對徐英偉嘅革職程序，留待中央人民政府拍板批准[4]。30號開始傳出徐英偉主動請辭局長職位嘅消息[5]，至31號朝頭早終於書面向行政長官辭職，並且發出聲明[6]。2月24號，國務院決定免去佢民政事務局局長職務[7]。