龍門冰室 | 全台藥局網

早期張俊傑獨營—龍門冰室曾經有兩個分支：一個係創辦人張俊傑名下嘅，而家有兩間分店（高峰期曾經有七間），曾經係黃色經濟圈嘅頭號黃店；另一個 ...

龍門冰室（英文：Lung Mun Cafe），部份分店叫瓏門冰室，係香港一個食肆品牌。雖然個名叫「冰室」，但佢實質係港式茶餐廳。龍門冰室曾經有兩個分支：一個係創辦人張俊傑名下嘅，而家有兩間分店（高峰期曾經有七間），曾經係黃色經濟圈嘅頭號黃店；另一個係屬富臨集團名下嘅，曾經有兩間分店，兩個分支嘅招牌、裝修格局同餐牌都大致一樣，不過後者隨住張俊傑同富臨關係決裂已經全線執笠。

龍門冰室喺2012年11月7號創辦，創辦人係原本做精算師嘅張俊傑。冰室開喺新界屯門龍門居，所以就用咗「龍門」個名，之後陸續喺港九新界開分店，之後更開埋中央工場[1]。

根據創辦人張俊傑嘅講法，2018年富臨集團想同佢合作，喺佢同意下同佢合組公司，喺屯門海麗花園開分店。張俊傑同富臨分別持有合營公司三成同七成股權[2]。但之後富臨未經佢同意就喺香港仔開多間分店，又喺富臨集團嘅年報話「龍門冰室」係佢哋嘅品牌，令到張俊傑好唔滿意。對於呢啲指控，富臨集團一路都無回應過[3]。

2019年，反修例運動爆發。8月11號港島東示威期間，有好多「福建幫」駐守喺富臨集團旗下一間酒樓入面，結果畀示威者指責富臨同「福建幫」有密切關係，呼籲杯葛富臨旗下所有食肆，龍門冰室亦受到牽連。呢個時候，龍門冰室創辦人張俊傑隨即公開割席，話富臨名下嘅2間分店係「假龍門」，同佢無任何關係。自此，張俊傑名下嘅龍門冰室開始高調撐示威者，譬如提供免費餐畀學生示威者，變成深受示威者歡迎嘅「黃店」，成日大排長龍[4]。

雖然張俊傑8月喺網上公開割席，但係要到9月13號佢先至將合營公司三成股權轉贈畀人，11月4號提出辭任合營公司董事，正式斷絕關係[5]。

兩邊陣營嘅龍門冰室都畀人破壞過。10月4號晚香港仔頭一次有勇武派搞「開花」，區內多間舖頭被破壞，富臨旗下嘅龍門冰室香港仔分店畀人打爆門口玻璃。10月24號清晨，張俊傑旗下嘅龍門冰室紅磡分店畀人幾個人揸住鐵錘打爛門口玻璃、收銀機同檯凳[6]。10月28號晚屯門示威嗰陣，富臨旗下龍門冰室海麗花園分店被開展「黑裝修行動」，畀人掟汽油彈[7][8]。11月9號清晨，再輪到張俊傑旗下嘅龍門冰室銅鑼灣分店被大肆破壞[9]。

11月上旬，富臨...